رمتني اقدار رب الكون على شاطيء الم واحزان
رمتني وابعدتني حيل عن الغالي وعن ظلاله
انا مقدر افارقها وافارق صوتها الرنان
ولا اقدر اطالعها ظروفي تمنع اطلااله
وهمي لو تشيله ارض هزت فوقه البنيان
وحزني لو يشيله كون هدت تالي جباله
كفاني ياحزن تراني في النهايه انسان
ولا اقوى ولا اتحمل حزين وحالتي حاله
حالي يكسرالخاطر ......... وهمي كسر الجدران
وقلبي بالحزن متروس ودمعي اصغر عياله
ابتصبر ولا اقدر وقلبي مسكنه نيران
لوعت حب في قلبي هزت فيه زلزاله
مجرى الدمع على وجهي يرسم لوعة الحرمان
واستغرب عيون الناس ليه الدمع ماجاله
انا والحزن والدمعه على مر السنين اخوان
وفرحي مايحس فيني ولا اخطر على باله
السبت نوفمبر 08, 2008 11:39 am
