لــــــسا بــحــبـكـ lsa-ba7bk

التصميم : قــيــصر الـــحـــب
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 دي مقارنة بسيطة بين الطفل الـ "High life"....و الطفل "البيئة"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
BroKeN HeArT
مشرف
مشرف
avatar

ذكر
عدد الرسائل : 114
العمر : 21
نشـاط العضو :
100 / 100100 / 100

تاريخ التسجيل : 15/11/2008

مُساهمةموضوع: دي مقارنة بسيطة بين الطفل الـ "High life"....و الطفل "البيئة"   السبت يناير 10, 2009 3:50 pm

دي مقارنه بسيطه بين الطفل (High life) ... والطفل (البيئه)




(الطفل الفافي) و (الهاي لايف )


الولد من دول يصحى على صوت الكناري اللي في اوضته ....
- سو سو سو سو .... -
_________

يدخل الحمام ياخد شاور .... ويغسل شعره بشامبو من ايطاليا .... ويحط
جيل بالمرز من فرنسا ويغسل سنانه بمعجون سيجنال تو .....
بيتفرج على الام بي سي كتيييييييييييير
_________
يطلع من الحمام يلاقي الداده مستنياه بفوطه من حريييييير .... وتلاعبه
وتهزر معاه بالانجليزي ....
- الداده معاها دكتوراه من جامعة اسفخص في لندن -
_________
يخش على اوضته ... ويفتح الدولاب ويطلع منه هدومه المكويه واللي ريحة
اريال باينه فيها .....
- اريال .... نسيم الصباح -
__________
يجيب جزمته من الجزامه ... اللي مليانه جزم وكوتشيهات ...
وسبوووز .....
- تقولش دخلت محل لطفي أو توكيل تمبرلاند -
__________
ينزل يفطر مع مامي ودادي ... والفطار كورن فليكس بطعم الستروبوري او
الشوكولات ....
- كورن فيليكس .. مش بسكو مصر -
__________
يسلم على مامي ويبوسها بعد ماتكون حطتله دينار بوكس بتاعه وفيه ....
ساندوتشين اتشكن ناجتس و كيس شيبسي و عصير جهينه او ايزي موزوو
- ايزي مووزو فاكرين الاعلان ده ؟؟؟ -
__________
يسلم على دادي اللي يديله البوكيت موني بالدولار ..... مش يعرفو حاجه
اسمها جنيه طبعا
- جنيه ؟؟؟؟ دي عملة انكردت من زمااان -
__________
يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -
__________
- يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -
__________



*الطفل البييييئه :
__________

دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا ...
- طبعا .. مقضيها صرمحه في الشارع للفجر -

العيال دي ماتعرفش اختراع اسمه (غسيل الوش بعد ما تقوم من
النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -

>
طبعا بعد الخناق ده بيبقى جعان ... تلاقيه بيحوم في الشقه ويدوّر في
المطبخ على اي حاجه ..... انشالله صرصار .. برضه هاياكله من الجوع
- عشان كده ماتلاقيش في بيتهم صراصير -

>
بعد ما يحط في بطنه اي حاجه في رغيف ... يدور على اي حاجه
يلبسها .... القميص مرمي تحت السرير ... ويقلع اخوه الصغير البنطلون
بتاعه وهو نايم ...
- هدومه كلها مكرمشه ... تقولوش طالعه من بوأ كلب -

>
طب وبعدين .... ساعتين بيدور على الجزمه ... مش عارف رزعها فين ...
واخوه الكبير خارج من البيت حافي كمان عشان مايقولش انه خدها ... افتكر
اخيرا انه حاطط فرده منهم فوق الدولاب .... والتانيه ... تحت التلاجه
- طبعا ما يعرفش اختراع اسمه الشرابات -

>
دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ..... دييييب ...
- ضربة بالحله على نافوخه -

>
الباشمهندس الصغير .... مايعرفش فين كتبه ولا كشاكيله اصلا .... عشان
كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -

>
هايروح مدرسته ازاي ؟؟؟ طبعا اي ميكروباز او عربيه نقل وقضيها
شعبطه ....
- ليااااااااااااااااااااااااااااقة -
============

في طابور المدرسه ....


*الطفل الفافي (الهاي لايف)

العيال كلهم واقفين في صفوف شكلها يفرح .. ده غير ريحتهم اللي زي
الفل
- نضافه رباااااااااني -
============

الطابور كله تمارين ونشاط ....
على انغام الدي جي (ياسر شاكر) -
========
الاذاعه المدرسيه .... اخبار من مجلات (واشنطون بوست)
- وطبعا .... مافيش ترجمه -

> =========
يغنو النشيد الوطني بقيادة المايسترو (سليم سحاب)
(حسن كامي) ... كان بيغنيه معاهم قبل ما ربنا يفتح عليه -

=====
طالعين فصولهم وكأنهم ملايكه أو فراشات ... وبحماس ونظاااام
تقريبا ... والله أعلم ... بيحبو مدرستهم .... سبحان الله -
=========




*الطفل البيئه
داخل المدرسه متأخر وحالته نيله
- اتشعبط في مكروباص(شبرا) ... ومدرسته اصلا في (الحلميه) -
***********
بعد التذنيب والشتيمه من مدرس الألعاب (حسن أبو شفه) ... انضم لباقي
زمايله في المعتقل ... سوري ... زمايله في المدرسه
ولا واحد منهم فاهم هو فين أصلا ... واتضح ان صاحبنا أكتر واحد شيييك
فيهم ***********
الأثاحه الملثيه .....----> تحريف لكلمة (الاذاعة المدرسيه) ...
تخيلو انتو باقي الأخبار بقى -
*********
النشيد الوطني اللي هم بيقولوه .... بتاع دوله مجهوله ... ونفسي
اعرف ايه هي؟؟؟
- طبعا على موسيقا آلات النفخ .... الشيشه -
**************
في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟
*********
بعد المدرسه ما تخلص ... بيرجعو على بيوتهم بنفس الاسلوب .... ونشوف
يومهم عامل ازاي دلوقتي
___________________



*الطفل الفافي (الهاف لايف) :

يرجع من السكول تكون الداده في استقباله ... وتشيل منه الشنطه ...
ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
#######

بعد ما اتشطف .... وإتصبّن - الكلمه دي متعوب عليها على فكره - يقعد
يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -

############
هاني ... دينر از ريدي
السيييم بتاعهم لما يجهز الغدا -
######
بعد الغدا ... يشرب كبايه (اورانج جووس) وينام ساعه عشان يعرف يذاكر
ويحل الهوم وورك

############



*الطفل البييئه : ! !

أخينا رجع من المعتقل ... او المدرسه زي مابيقولو عليها ... وهدومه
كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -
~~~~~~

امه لسه ماخلصتش الغدا ...
النهارده امه دابحه دكر جبنه بيضه ... واحتمال يكون في فول بالصلصه -

~~~~~~~~~~~
ترااااادااترااااااااااااااااااااااااا ...
دي اعلان الحرب ... أو الغدا -
~~~~
>
بعد اكلة الفول بالصلصه ومعاه فحلين بصل ... عادة ما يعقبها احساس
بالضياع
تنااااااااحه ... فور آيفير -
~~~~~~~~~
بعد حالة التناحه او النوم دي ... بيجي وقت الشده ... ياترى الحياه
معاهم - الطفل الفافي .. والطفل البييئه - عامله ازاي ؟؟؟؟

~~


> *الطفل الفافي (الهاف لايف) :

يقوم من النوم على صوت الداده ... الهادي طبعا .. عشان يقوم يذاكر
مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -
_____________________
بعد ما يخلص المذاكره وتحضير دروس تاني يوم .... مامته تاخده النادي
عشان يلعب رياضه (باسكت او تنس) و احتمال (سكواش)
مشتركين في نادي المعادي والصيد والشمس ... ده غير سبورتنج في الصيف -
_____________________
>
يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -
_______________________

على الساعه 10 يقوم عشان ينام .... والداده تحكيله حكايه قبل النوم
سندريللا وسنوو وايت ... مش ابو رجل مسلوخه وامنا الغوله -
____________________________
ينام على صوت الداده وهي بتغنيله اغنيه رومانسيه ... وفي حضنه
الدبدوب اللي جاله في عيد ميلاده
- ملاك نايم يا اخواتي -
_____________________




*الطفل البيييئه :
===========
يفوق من حالة التناحه من الفول والبصل على صوت حد من صحابه ... عشان

ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد -
_____________________________________
يرجع بيتهم وهو بيجري وهدومه متقطعه ودماغه واخده بتاع تلاتين قلم
على سهوه .... عشان شاط الكوره وكسر إزاز بتاع محل (عم سيد) البقال
الراجل ده من كتر إزاز بتاعه ما اتكسر ... هايفتح مصنع إزاز -
________________________________
اخته جابته عشان يحل الواجب ويذاكر .. بس مامعاهوش قلم ... قام نزل
الشارع عشان يجيب قلم
- آدي دقني لو جاب ولا حتى رجع من أصله -
_________________________
على الساعه 2 الفجر ... باب بيتهم بيخبط .. وامه فتحت الباب شافت
جارهم دماغه متعوره وجايب لها المحروس اللي كان بيلعب حرب بالطوب وفتح
دماغه
- تقولش طفل من أطفال الانتفاضه -
____________________
ساب امه وابوه وهم بيصالحو جارهم وبيبوسو ايده عشان ما يعملوش
محضر .... واتسحّب المفعوص على المطبخ جاب حتة جبنه وطماطمايه ورغيف
معطن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
القلب الطيب
مشرف عام
مشرف عام
avatar

ذكر
عدد الرسائل : 69
العمر : 27
نشـاط العضو :
100 / 100100 / 100

تاريخ التسجيل : 04/12/2008

مُساهمةموضوع: رد: دي مقارنة بسيطة بين الطفل الـ "High life"....و الطفل "البيئة"   الخميس يناير 15, 2009 4:07 pm

شكرآ كتير BroKeN HeArT


على المقارنات إلي قدمتها

في انتظار المزيد اياها المبدع

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
very sweet
عنيدة وبجمالي فريدة
عنيدة وبجمالي فريدة
avatar

انثى
عدد الرسائل : 183
نشـاط العضو :
100 / 100100 / 100

تاريخ التسجيل : 23/10/2008

مُساهمةموضوع: رد: دي مقارنة بسيطة بين الطفل الـ "High life"....و الطفل "البيئة"   الأحد يناير 25, 2009 1:47 pm

يسلمووووووووو عنجد الله يبعدنا عن الناس البيئة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
BroKeN HeArT
مشرف
مشرف
avatar

ذكر
عدد الرسائل : 114
العمر : 21
نشـاط العضو :
100 / 100100 / 100

تاريخ التسجيل : 15/11/2008

مُساهمةموضوع: رد: دي مقارنة بسيطة بين الطفل الـ "High life"....و الطفل "البيئة"   الأحد يناير 25, 2009 4:28 pm

إنــ ـشــ ااء اللهـ

مشـ ـكوريـن للمروـر الحلـ ـو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lo$t HeArT
عضو جديد
عضو جديد
avatar

ذكر
عدد الرسائل : 35
العمر : 23
نشـاط العضو :
0 / 1000 / 100

تاريخ التسجيل : 01/02/2009

مُساهمةموضوع: رد: دي مقارنة بسيطة بين الطفل الـ "High life"....و الطفل "البيئة"   الأحد أبريل 05, 2009 11:16 am

ههههـ كتيير حلوووووة ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دي مقارنة بسيطة بين الطفل الـ "High life"....و الطفل "البيئة"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» أنجلينا تصرخ علناً بوجه جوال أنيستون: "ابتعدي عن زوجي وإلا!"
» نســــــاء حول الرســول "صلى الله عليه و سلم"
» برنامج ::" إهداء الى روح ذكرى " - حصريا ::
» محمودعبدالعزيز"لويزور طيفك خيالى"
» مقآبله قصيره مع شآيني " على آلقآئد آن يكون ..!" مترجم

صلاحيات هذا المنتدى:لاتستطيع الرد على المواضيع في هذا المنتدى
لــــــسا بــحــبـكـ lsa-ba7bk :: المنتدى الترفيهي :: منتدى الفرفشة-
انتقل الى: